Hey guys, I'm a new blogger here, and I'm trying to send a message,I won't be shy, And I hope you guys learn from it.
I'll start blogging right now, and hopefully, I will post daily, if I can.
But before starting I just want to say the blog would be "جريئة" ..
-
اول شي انا بعرفكم على صاحبة القصة، بعدين اهيا راح تقولكم قصتها بنفسها
اسرار: عمرها 19 سنة، تدرس هندسة بامريكا، طبعا هذي اول سنة دراسة لها لان كانت السنة الاولى لغة
تبون تعرفون شكل اسرار؟ طويلة بس مو حيل، يعني يمكن 165، لونها برونزي من الله، وشعرها بني غامج؛ همن طبيعي، راح اقولكم بعدين شلون،عيونها لونهم العسلي اللي على اخضر عرفتوه؟ ناعسيين بس وساع، جسمها نااار!! اطيح الطير من السما، الخشم سلة سيف، وشفايفها شوي متروسين بس بطريقة ذربة و حلوين عرفتوا شلون؟ باختصار دمااار شااامل !
اسرار امها مو كويتية، امها برازيلية وابوها كان ماخذها عن حب لما كان يدرس ببريطانيا، امها و ابوها متوفين من كان عمر اسرار تقريبا 7 سنين، عايشة عند عمها ومرت عمها، اهم اللي مربينها وصايرين لها الام والابو
الحين تبدري اسرار وبتقولكم قصتها بنفسها..
-
اليوم اول يوم دوام بالجامعة اليديدة، وكنت حدي مستعسرة توني قاعدة من النوم.. انا شاللي بلشني بمحاضرة الساعة 8؟
كنت قاعدة ابدل عشان بروح الجامعة ومابي اتاخر من اول يوم
رن موبايلي ولا
" Rana is calling "
اسرار: هلا رنا
رنا: اهليين اسوور، ها قمتي؟
اسرار: لا قاعد اكلمج وانا نايمة! شرايج يعني؟
رنا: واااي اسرار نفسيتج، المهم بتمريني ولا اروح بسيارتي؟
اسرار: ماتوقع بيمديني امرج روحي بروحج
رنا: خلاص اوكي
اسرار: باي
وسديته
رنا رفيجتي، كبري وتعرفت عليها السنة اللي طافت لما كنت ادرس لغة بفيلاديفيا، كانت اهي بعد تدرس لغة وصجف ان بعدين اهي معاي بنفس الجامعة..
لبست جينز فاتح ويا تي شيرت فلو وحطيت جنطتي البرادا كروس، ماحطيت ولا نتفه ميكاب لاني كنت تعبانة امس بالليل واصلة مالي خلق شي، خليت شعري مفلول ولبست نظارتي الشمسية
نزلت من الشقة بركب سيارتي ولا اشوف سيارة واقفة ورا سيارتي ويمها اثنين يسولفون.. لما قربت منهم بكلمهم لاني كنت متاخرة شوي ولا اسمع..
الاول: يعني فهيد شتبيني اسوي ماعندي غير هالحركة
الثاني: وليييين.. اليوم عقب الجامعة مرني شقتي ونشوف شيصير شكلها صعبة
الاول: من صجك؟ لو مو صعبة ان ما شفت ضروي يأس منها ومراهني عليها
الثاني: ضروي ماقدر عليها بتقدر عليها انت؟
الاول: ماتاكل تبن شوي؟ ..
قاطعتهم
"لو سمحتوا ؟"
الاول كان مبين عليه متنح شوي: هلا والله؟
اسرار: ماعليه توخرون سيارتكم شوي متاخرة عالجامعة
الاول: ايي اكيد تامرين
وخر سيارته وركبت سيارتي انا ورحت الجامعة
مر اليوم حييل عادي ولما ييت بطلع ولا .....
-
Don't forget to comment below or you can visit my as page and comment there ;*
